blog dos profesores do colexio martin codax

Calendario dos exames de Setembro.

Para quen teña a asignatura pendente para setembro, estos son os boletíns de exercicios desenvolvidos durante o curso:

MATEMÁTICAS 3º ESO | MATEMÁTICAS 4º ESO | FÍSICA 4º ESO | FORMULACIÓN

(Para os que teñan pendente a física de 4º da ESO, "lembrarvos" que entran os temas 1-6 e 9-12 do libro de texto)

Hasta sempre.

Teño claro que o graffiti é unha forma de arte que recolle como poucas o dinamismo, a tensión e a dureza da vida nas cidades. Quizais por esa vertente salvaxe que leva dentro de si dificilmente será aceptada e integrada en salas de exposicións ou museos. Supoño que por iso gusta tanto. Isto que atopei vai máis aló do graffiti normal e corrente. É unha película feita polo método do stop-motion (como as de Tim Burton ou a factoría Aardman) empregando graffitis en vez de figuras de plastilina:

[Música: "All I need" Radiohead]

Como algúns xa sabedes, un grupo de alumnos de 4º da ESO ven de rematar a súa participación no concurso que convoca cada ano o diario "el país" consistente na elaboración dun exemplar dun xornal con cinco seccións obligatorias, dirixido a alumnos de 3º e 4º da ESO e 1º e 2º de Bacharelato. O equipo deste ano foi retratado por Beatriz Méndez, alumna de 4º ESO A:

O xornal pode atoparse en www.estudiantes.elpais.es, pero chegar a el é algo complicado. Hay que entrar en: edición actual> todos los periódicos> seleccionar provincia: pontevedra> Na lista: Martín Codax (A) que figura como un colexio de Bembrive, pero é o noso. O recomendable é usar -contra o que dicta o sentido común- o Explorer de Microsoft, xa que os programadores da páxina non pensaron nos outros navegadores e esta da problemas con eles (co Mozilla Firefox algúns enlaces non van).

Foi divertido participar, e penso que quedoulles un xornal bastante digno (como os dos anos anteriores!!!). O día 30 (aproximadamente) sae a lista dos tres colexios de Galicia que pasan á seguinte fase. O día 30 de Maio, a lista definitiva de ganadores.

Fai pouco alguén quedou na miña clase nun recreo facendo uns exercicios da asignatura de Tecnoloxía relacionados coa inducción electromagnética e as leis de Faraday. Gracias a iso lembreime dun artista norteamericano, Richard Box, que fai instalacións artísticas debaixo de torres de alta tensión (máis de 400.000 voltios) colocando varios centos de tubos fluoresecentes que se encenden debido ao campo eléctrico que xenera a corrente eléctrica que corre polos fíos das torres. Na súa web hai imaxes coma esta:

(sería divertido facer a instalación un día destes e tomar algunhas fotos do resultado; o propio Richard Box ten levado neóns de cores diversas con resultados moi curiosos)

Temos falado en clase de que a velocidade de escape para un móbil que pretenda abandoar o noso planeta é duns 11 km/s (sobre 40.000 km/h). A forza precisa para elevar un cohete de varias toneladas de peso que consiga acadar tal velocidade (soportando así unha aceleración brutal) conséguese a partir de combustibles como a hidracina. Unha consecuencia inesperada de tal derroche de enerxía é que se produzca algún erro e todo estoupe e converta en chatarra unha inversión millonaria. Buscando en internet información sobre o tema para falar delo na clase atopei este vídeo que me deixou impresionado:

Estase a organizar unha festa para o día 17 de maio, sábado, en honor da cofundadora do colexio e ex-directora Margarita Viñas (Tatá). Solicítase a colaboración de exalumnos de todas as promocións para resolver dende problemas de loxísitica ata participacións musicais que terán lugar ao longo da tarde. Por suposto, todo isto é máximo segredo. Que non se entere a protagonista do evento!!!

Para quen queira participar, levarase a coordenación de todo o asunto dende esta páxina:
http://exalumnosmartincodax.blogspot.com