blog dos profesores

Chamádeme monotemático se queredes. Dicídeme que me repito, que sempre ando coas mesmas, que disto xa falei antes...

Pero a cousa non é para menos. Estes días, na prensa, na radio, nos telexornais de todo o Estado amontónanse as noticias por volta das touradas (négome a chamarlle festa nacional, ou a identificarme coa nación que a iso lle chama festa).
Resulta que nunha das comunidades autónomas que forman o Estado estase a debater a posibilidade de eliminar as touradas, por consideralas unha tortura e por tanto unha afrenta aos dereitos dos animais, máxime cando se trata dunha simple diversión.
Por suposto, hai quen toma a bandeira da defensa das tradicións, e que di que todo iso corresponde cunha tradición cultural antiquísima e que por tanto debe ser protexida. Tanto é así que noutras comunidades autónomas deste mesmo Estado, estanse a declarar as touradas Ben de Interese Cultural, para que non só non sexan eliminadas senón que se fomenten polo que teñen de seña de identidade cultural.

Sabedes que outra seña de identidade cultural temos moitos de nós? A lingua. O noso idioma. O galego. Tamén a nosa lingua corresponde con séculos de tradición cultural. Tamén a nosa lingua é un ben de interese cultural. Por riba, a nosa lingua non fai mal a ninguén. Non se tortura outros seres vivos por falar en galego. Pero resulta que non se toman medidas para protexela da desaparición, non se elaboran leis que protexan e fomenten o uso do idioma, senón que se redactan leis que lle quitan as poucas proteccións que tiña. Xa non é preciso facer unha proba de coñecemento do galego para ser funcionario da Xunta de Galicia e así garantir a posibilidade de que todos os cidadáns poidamos ser atendidos no noso idioma. Queren quitarnos espazos que o galego tiña gañados na escola. Isto non o hai que protexer con leis.

Chamádeme monotemático se queredes. Dicídeme que me repito, que sempre ando coas mesmas, que disto xa falei antes... Pero eu o único que quero é vivir en galego con normalidade. O único que quero é non ter que falar nunca máis deste tema, que xa sei que me repito.

• Comment (1)
• Trackbacks (0)

Encántame esta ilustración pertencente á serie Scrabble de Eduardo Salles e que descobrín gracias a microsiervos:

• Comment (1)
• Trackbacks (0)

Se queres mellorar o nivel dunha lingua estranxeira (inglés, francés ou alemán) coa estadía no país, non deixes pasar esta oportunidade.

Toda a información aquí

Nota: se a páxina dache un erro de seguridade tes que obter o certificado de seguridade.

• Comments (0)
• Trackbacks (0)

Poñemos á vosa disposición o seguinte programa con toda a información sobre as opcións de estudos tras rematar a ESO.

Instrucións:
- descargar o arquivo comprimido que indicamos a continuación (7.2 Mb)
- descomprimilo cunha aplicación tipo winrar
- na carpeta que se crea, darlle ao executable "orienta9_10.exe"



Para calqueira dúbida ou consulta dirixirvos a Cristina no seguinte horario: martes, mércores e xoves de 13:40 a 14:10.

Descargar arquivo

• Comments (0)
• Trackbacks (0)

Castellana de Castilla,
tan bonita e tan fidalga,
mais a quen para ser fera
ca procedensia lle abasta.
Desíme, miña señora,
xa que os mostrás tan ingrata,
si o meu rendimento homilde
bascas de enoxo vos causa,
pois cando onda vós me achego
cuspís con ardentes ansias,
i ese mirar de pombiña
volvés en fosca mirada,
tornando en sombrisa noite
o día que en sol se baña.
En vano intento, señora,
saber por que me maltrata
dama dun alma tan nobre,
aunque soberba por fama,
pois n'é motivo a desprezo
sintirse tan ben amada,
que as mesmas pedras, señora,
dun bon querer se folgaran.
Din que na nobre Castilla
así ós gallegos se trata,
mais debe saber Castilla
que de tan grande se alaba,
que sempre a soberbia torpe
foi filla de almas bastardas;
e sendo vós tan sabida,
nunca de vó-lo pensara,
que de tan alto baixando
vos emporcases na lama;
nin que chamándovos nobre,
tanta nobreza enfouzaras
imitando ós que vaidosos
no que está débil se ensañan.
Pero máis val que enmudeza,
pois tes condición de ingrata;
que predicar en deserto
na miña terra n'é usanza.
Si fun curpabre en quereros
coma ningún vos amara,
por ser de terra gallega
e serdes vós castellana,
en paz, señora, vos deixo
ca vosa soberba gracia,
e voume á Galicia hermosa
donde en xuntanza me agardan
o que non tendes, señora,
i o que en Castilla n'achara:
campiños de lindas rosas,
fontiñas de frescas auguas,
sombra na beira dos ríos,
sol nas alegres montañas,
caras que nacen sorrindo
e que sorrindo vos aman,
e que inda mesmo morrendo
en sonrisiñas se bañan.
Alí, señora, contento
cantando o doce ala lala,
baixo a figueira frondosa,
en baixo da verde parra,
c'aquelas frescas meniñas
que mel dos seus labios manan,
cando en falar amoroso
meigo nos din en voz maina
con tódalas de Castilla
nobrísimas castellanas
olvidareivos sin pena,
anque sos vós tan fidalga.
Que aló saben ser altivas,
pero non saben ser vanas,
i é fácil con doces tomas
olvidar tomas amargas.
Déchesmas vós, mi señora,
con desprezo envenenadas,
inda con fero máis fero
que pelica de laranxa;
mais teño por que me pase
aquel sarrapio que escalda,
teño unha dama nos Portos,
outra no Ribeiro de Avia;
si a dos Portos é bonita
a do Ribeiro lle gana.
Cantares Gallegos (1863)

• Comments (3)
• Trackbacks (0)

Onte, nunha entrevista televisiva, unha deputada do parlamento de Madrid calificou a outro político contrincante seu como "podría ser gallego, en el sentido más peyorativo". Algúns meses atrás, esta mesma persoa calificaba outro político (este de procedencia galega) como "es muy gallego, en el sentido peyorativo de la palabra".

Analicemos isto, que dá moito que pensar:

1) A esta señora fáltalle imaxinación, pois califica os dirixentes de dous partidos políticos diferentes co mesmo adxectivo.

2) Deixemos claro que "peyorativo" é un adxectivo non cuantificábel, pois algo pode ser pexorativo ou non. A construción "más peyorativo", usada nos dous casos pola señora, denota unha considerábel ignorancia pois algo é pexorativo ou non, pero nunca "máis pexorativo", igual que unha persoa está morta ou non, pero non pode estar "máis morta". Debería esta persoa, defensora da primacía do castelán sobre o resto de linguas españolas, aprender a falar a lingua que tanto defende.

2) É certo que se buscamos "Galego" no dicionario da RAE atopamos isto na súa acepción número 5: ". adj. C. Rica. tonto (‖ falto de entendimiento o razón)". É unha acepción que a propia Academia sitúa en Costa Rica, non na Península, e que ten que ver cos prexuízos xenerados a partir dos milleiros de galegos que no pasado emigraron a América. Trátase, pois, dun anacronismo que xa debería estar eliminado do dicionario.

3) Fagamos un exercicio de imaxinación: Tendo en conta que, máis ou menos na mesma época en que se xenera esa acepción do noso nome colectivo, existían outros moitos prexuízos sobre outros moitos colectivos humanos, parémonos un momento a pensar que sería o que pasaría se alguén dixese que Obama é indigno do seu posto porque os negros son seres inferiores aos brancos; ou se alguén dixese que esta señora debería dedicarse ao que corresponde a limpar a casa e criar os seus fillos, e deixar a política para os homes... Tal caste de discriminacións serían obxecto das máis duras críticas, por racista ou discriminatoria.

4) Agradézolle a esta persoa que nos teña dado un exemplo tan claro de aquilo que Eduardo Pondal cita no seu poema "Os Pinos" como "a inxuria" e o "oprobioso alcume". Non podo deixar de lembrar tamén outros versos do mesmo poema:

...
mais sós os iñorantes
e férridos e duros,
imbéciles e escuros
non os entenden, non.

Eu opino que o emprego do noso xentilicio, do nome que nos identifica como pobo, coa acepción con que o fixo esta señora é digno do máis absoluto dos desprezos, por ser un claro exemplo de xenofobia (emprego outra acepción do dicionario da Real Academia Española, para evitar confusións: xenofobia. (De xeno- y fobia). 1. f. Odio, repugnancia u hostilidad hacia los extranjeros.).

LAVE VOSTEDE A BOCA, SEÑORA, E MIRE O CALENDARIO, A VER SE SE DÁ CONTA DE QUE XA ESTAMOS NO SÉCULO XXI; O XIX HAI TEMPO QUE REMATOU.

• Comment (1)
• Trackbacks (0)

¡¡¡¡¡¡Estaba un chisco abarrotada a clase!!!!!!

• Comments (2)
• Trackbacks (0)

Gústame este vídeo. Cómpre que todos os que así o sentimos o digamos en voz alta, polo menos unha vez ao día. Grazas a Martiño Rivas, Belén Regueira, Antón Reixa (tamén director do vídeo), Susana Seivane, Luís Tosar e María Castro.

O GALEGO NECESITA MÁIS PROTECCIÓN
EL GALLEGO NECESITA MÁS PROTECCIÓN
GALICIAN LANGUAGE NEEDS MORE PROTECTION



Eu, desde logo, estou orgulloso do noso, orgulloso do galego. E vós?

• Comment (1)
• Trackbacks (0)

Feitas polas alumnas de 4º de ESO Raquel Fernández, Noelia Lago e Jennifer Muñoz.

• Comments (0)
• Trackbacks (0)

londres 2010

• Comment (1)
• Trackbacks (0)

Aproveitando o entroido, en infantil, xunto coa colaboración de todo o colexio, rematamos o "proxecto circo" cun gran desfile. Estas son algunas mostras do acontecido

Xoves

• Comments (0)
• Trackbacks (0)

Para los alumnos de 4º de ESO

test de orientación vocacional

• Comments (0)
• Trackbacks (0)

Un ano mais os nenos e as nenas de Infantil e Primaria desfilaron polo patio central celebrando o entroido e mostrando o froito do seu traballo nas diferentes aulas de Plástica

• Comments (2)
• Trackbacks (0)

Nestas festas do entroido os rapaces de 1º da ESO viaxaron por un intre ata Venecia (coa imaxinación, claro, que mellor maneira) e iste foi o resultado...

mascaras carnaval 2010

• Comments (0)
• Trackbacks (0)

Xa sabes cales eran as condicións de vida e de traballo da nova clase social xurdida da Revolución Industrial; O taylorismo e o fordismo convirtiron aos traballadores nunha especie de autómatas...
Charles Chaplin no lo mostra nunha película xenial: " Tiempos modernos ", na que caricaturiza a unha humanidade degradada no mundo laboral dunha fábrica

Mais información sobre a Revolución Industrial na páxina da Aula de Historia

• Comments (2)
• Trackbacks (0)

Hoxe os nenos de primaria, e algúns de secundaria, fixeron un maravilloso espectáculo para disfrute de nenos e profesores.

¡¡Benvidos ao mundo do "Circo Martín Códax"!!

Circo Martin Códax

• Comments (0)
• Trackbacks (0)

Se queres participar nos concursos do Entroido do Concello de Vigo ¡apúntate xa!

Inscripción e bases.

• Comments (0)
• Trackbacks (0)

Para os interesados na música, danza e teatro.
Cursos gratuítos, ¡aproveitádeo!

Para máis información pincha aquí

• Comments (0)
• Trackbacks (0)

No ano 2008, con motivo do Ano Internacional das Linguas, as Universidades de Catalunya redactaron este Decálogo para ser lingüísticamente sostibles. Grazas a Adelia Troncoso do IES Val do Tea de Ponteareas, e a Mónica Muñoz, do CEIP Frian, de Teis, podemos ler esta versión en galego.

Decálogo para ser lingüísticamente sostibles

Visto no blog do Servizo de Normalización Lingüística do Concello de Redondela.

• Comments (0)
• Trackbacks (0)

Escolas Católicas, que representa 124 centros non demasiado sospeitosos de radicais, reclama un marco legal estábel para o galego. Destaco unha cita textual: «O galego aínda non está normalizado na escola, e en moitos ambientes sociais non está no mesmo plano que o castelán ou o inglés».
Toda a noticia, en La Voz de Galicia.

• Comments (0)
• Trackbacks (0)

Podedes tamén ler a opinión dalgunha federación de ANPAS.
Premer aquí.

• Comments (2)
• Trackbacks (0)

Pois iso. Tamén as universidades opinan, aportando o seu punto de vista acerca do decreto. As tres universidades. Xuntas.
Podedes lelo aquí, ou tamén aquí.

• Comments (0)
• Trackbacks (0)

Tamén houbo un colectivo de xuristas que analiza e publica o seu punto de vista acerca da legalidade (ou non) do decreto.
Se queredes velo, premede aquí

• Comments (0)
• Trackbacks (0)

A coordinadora de Equipos de Normalización Lingüística de Vigo, da que forma parte tamén o equipo do noso centro, emitiu un comunicado onde se opina e topa posición de forma xustificada acerca do xa tan mencionado decreto.
Se queredes, a continuación podedes ler o documento:

• Comments (0)
• Trackbacks (0)
• Continue reading "A opinión da coordinadora de Equipos de Normalización Lingüística"

Déixovos aquí a ligazón á análise que a Real Academia Galega fixo do borrador de decreto que regula o uso das linguas no ensino.

Paréceme que ben vale a pena botar un ollo ao que aquí se explica, tendo en conta ademais que esta institución non é sospeitosa de radicalismo.

Trátase dunha visión clara e rigurosa que pode axudarnos a ter unha idea máis clara de todo isto que está a facer tanto ruído nos medios, e que nos leva a unha xornada de folga o próximo xoves 21.

• Comments (0)
• Trackbacks (0)